ЭКСПОРТЫГ ДЭМЖИХ ТӨСӨЛ
EXPORT DEVELOPMENT PROJECT
ХХААХҮ САЛБАРТ ХЭРЭГЖИЖ БУЙ ТӨСӨЛ, ХӨТӨЛБӨРИЙГ ТАНИЛЦУУЛАХ УУЛЗАЛТАД ЭКСПОРТЫГ ДЭМЖИХ ТӨСӨЛ ОРОЛЦЛОО.

18.06.29

Хүнс, хөдөө аж ахуйн хөнгөн үйлдвэрийн яам, Сангийн яам хамтран хүнс хөдөө аж ахуй, хөнгөн үйлдвэрийн салбарт хэрэгжиж буй хөнгөлөлттэй зээл, тусламжийн төслүүдийн хэрэгжилт, үр дүнгийн талаар хувийн хэвшлийнхэнд танилцуулах уулзалт зохион байгууллаа.

Уулзалтыг нээж, ХХААХҮ-ийн дэд сайд Ж.Сауле үг хэлж, олон улсын байгууллага, хувийн хэвшлийн хамтын ажиллагаа улам үр дүнтэй, харилцан өгөөжтэй байх нь зүйтэй гэж үзэж байгаагаа илэрхийлсэн.

Гадаадын түнш, донор байгууллагууд Монгол Улс тэр дундаа хүнс, хөдөө аж ахуй, хөнгөн үйлдвэрийн салбарыг ихээхэн сонирхдог ч хөрөнгө оруулахад тулгамдсан асуудал байсаар байна. Хөрөнгө оруулалтыг бодлогоор дэмжвэл нийт экспортод хүнс, хөдөө аж ахуй, хөнгөн үйлдвэрийн салбарын эзлэх хувийг 20-30 хувьд хүргэх боломж бий. Ингэснээр нийт хүн амын талаас илүү хувь нь тогтмол орлоготой болж, амьжиргаа нь сайжрах төдийгүй бусад салбар ч дагаад хөгжих боломжтой гэдгийг Сангийн дэд сайд Х.Булгантуяа хэллээ.

Тус уулзалтад жижиг дунд үйлдвэр эрхлэгчдийг дэмжихэд чиглэсэн олон улсын томоохон төсөл хөтөлбөрүүдийн төлөөллүүд хүрэлцэн ирж, өөрсдийн үйл ажиллагааг танилцууллаа. Жишээлбэл: “Азийн хөгжлийн банкны Монгол Улсын хувийн хэвшлийн салбарыг хөгжүүлэхэд үзүүлж буй дэмжлэгүүд”, “ДБГ, ОУСК-аас Хүнс, хөдөө аж ахуйн салбарт хэрэгжүүлж буй төслүүд, товч танилцуулга” гэх зэрэг 14 төсөл хөтөлбөрүүдийн танилцуулга хийгдлээ. 


МЭДЭЭ, МЭДЭЭЛЭЛ
"ЭКСПОРТЫН ХӨГЖЛИЙН ТӨЛӨВЛӨГӨӨГ БОЛОВСРУУЛАХ АРГАЧЛАЛ 16" СУРГАЛТ ХИЙВ

18.11.20

“Экспортыг дэмжих төсөл”-ийн хүрээнд хэрэгжиж буй санхүүгийн дэмжлэгийн үйл ажиллагааны хамгийн чухал баримт бичгийн нэг болох “Экспортын хөгжлийн төлөвлөгөө”-г боловсруулах аргачлалын сургалтыг 2018 оны 11 дугаар сарын 20-ны өдөр үнэ төлбөргүй зохион байгуулж экспортлогч болон экспортлогч болох сонирхолтой 20 орчим аж ахуйн нэгжийн төлөөлөл оролцлоо.

ГЕРМАНЫ ШТООЛ КОМПАНИАС СУРГАЛТЫН ГЭРЧИЛГЭЭ ГАРДУУЛЛАА

18.11.19

Герман улсын STOLL / ШТООЛ / компанийн компьютер удирдлагатай сүлжмэлийн машин ашиглаж сүлжмэл бүтээгдэхүүний үйлдвэрлэл эрхлэгч аж ахуйн нэгжүүдийн хүсэлтээр Экспортыг дэмжих төслөөс зохион байгуулсан 10 өдрийн сургалт амжилттай дууслаа.

МОНГОЛД АНХ УДАА ЗОХИОН БАЙГУУЛАГДАХ «WOMEN ENTREPRENEURSHIP DAY» АРГА ХЭМЖЭЭГ ДЭМЖИН ОРОЛЦОНО

18.11.17

WEDO сайн дурын хөдөлгөөний санаачилгаар Монгол улсад анх удаа 11 сарын 18-нд «Women Entrepreneurship Day» арга хэмжээг зохион байгуулах гэж байна. Энэхүү арга хэмжээг дэлхийн 145 оронд нэгэн зэрэг тэмдэглэдэг. 

СҮЛЖМЭЛИЙН ҮЙЛДВЭРҮҮД ГЕРМАНЫ STOLL КОМПАНИЙН СУРГАЛТАД ХАМРАГДАЖ БАЙНА

18.11.12

Монголын 30 гаруй үйлдвэр компьютерийн удирдлагатай сүлжмэлийн машин үйлдвэрлэлээрээ дэлхийд тэргүүлэгч Германы Stoll компанийн 250 гаруй сүлжмэлийн машин ашиглаж байна.
Бүх төрлийн сүлжээсийг хүссэн хээ загвараар сүлжих өргөн боломжтой Stoll машиныг үйлдвэрлэлдээ ашиглаж байгаа манай экспортлогч 13 компанийн хүсэлтийн дагуу Экспортыг дэмжих төслөөс “CMS-Handling and Technique” сэдэвт сургалтыг зохион байгуулж байна.

ЭКСПОРТЫГ ДЭМЖИХ ТӨСЛӨӨС ЗОХИОН БАЙГУУЛСАН “БИЗНЕСИЙН ЗӨВЛӨХ ҮЙЛЧИЛГЭЭ ҮЗҮҮЛЭГЧ ААН, ЗӨВЛӨХҮҮДИЙН УУЛЗАЛТ СЕМИНАР”-Т ОРОЛЦОЖ БИДЭНД МЭДЭЭЛЛЭЭ ӨГСӨН ЗӨВЛӨХҮҮДИЙН ТОВЧ ЖАГСААЛТ

18.11.12

Экспортыг дэмжих төслөөс 9 сарын 12-нд зохион байгуулсан “Бизнесийн зөвлөх үйлчилгээ үзүүлэгч ААН, зөвлөхүүдийн уулзалт семинар”-т ирж бидэнд мэдээллээ өгсөн зөвлөх үйлчилгээ үзүүлэгч ААН, хувь зөвлөхүүдийн товч жагсаалтыг төслийн вэбсайт-д нээлттэй байршууллаа.

ҮНДЭСНИЙ СУРГАГЧ БАГШ- МЭРГЭЖЛИЙН ХӨТӨЧ ТАЙЛБАРЛАГЧИД ОЛОН УЛСЫН ГЭРЧИЛГЭЭ ГАРДЛАА

18.11.02

Экспортыг дэмжих төсөл Монголын Мэргэжлийн Хөтөч Тайлбарлагчдын Холбоо (ММХТХ)-той хамтран Дэлхийн Хөтөч Тайлбарлагчдын Холбоодын Нийгэмлэгийн Олон улсын ахлах сургагч багш Айрис Бэрриг урьж Монгол улсад "World Federation of Tourist Guide Association"- ийн Монгол Улс дахь үндэсний сургагч багшийг бэлтгэх сургалтыг энэ оны 5 дугаар сард амжилттай зохион байгуулсан билээ.

Бусад мэдээ »