ЭКСПОРТЫГ ДЭМЖИХ ТӨСӨЛ
EXPORT DEVELOPMENT PROJECT
ГАДААД ХУДАЛДААНЫ МЕНЕЖЕРИЙН ЖИЛИЙН КУРСЫГ АМЖИЛТТАЙ ТӨГСӨГЧДӨД ГЭРЧИЛГЭЭ ГАРДУУЛАВ

18.07.10

Экспортыг дэмжих төслөөс Зах зээл судлалын хүрээлэнгийн Экспортын Академитай хамтран зохион байгуулсан Гадаад худалдааны менежерийн 320 цагийн буюу жилийн курсыг амжилттай дүүргэсэн төгсөгчдөд гэрчилгээ гардуулах арга хэмжээ өнөөдөр болов.


Гадаад худалдаа эрхлэгчдэд тулгардаг асуудлуудыг үр дүнтэй, оновчтой шийдэх арга замууд, олон улсын түвшинд гадаад худалдааны менежерт тавигддаг үндсэн мэдлэг, чадваруудыг богино хугацаанд эзэмшүүлэх, онол практик хосолсон, мэргэшсэн, өндөр чадвар бүхий гадаад худалдааны ажилтан бэлтгэх, аж ахуйн нэгжүүдэд мэдлэг олгох ур чадварыг бэхжүүлэхэд сургалтын гол зорилго нь чиглэгдлээ.

Гадаад худалдааны стратеги, менежмент, гадаад худалдааны төлбөр, тооцоо; бараа, бүтээгдэхүүний зардал тооцоолох, үнэ оновчтой тогтоох арга замууд, олон улсын худалдаан дахь эрхзүйн асуудал, гадаад худалдааны санхүүжилтийн арга техник болон бизнесийн англи хэлний зохих түвшний мэдлэг, ур чадварыг богино хугацаанд эзэмшсэн, үр дүнтэй сургалт болсон гэж сургалтад оролцогчид үнэлсэн байна. Гадаад худалдааны 1 жилийн курст 23 аж ахуйн нэгжийн 25 оролцогч хамрагдсанаас 64 хувь нь эмэгтэй оролцогчид, 39 хувь нь эмэгтэй удирдлагатай аж ахуйн нэгж байлаа.

                                                                                                        ЭКСПОРТЫГ ДЭМЖИХ ТӨСӨЛ

МЭДЭЭ, МЭДЭЭЛЭЛ
"ЭКСПОРТЫН ХӨГЖЛИЙН ТӨЛӨВЛӨГӨӨГ БОЛОВСРУУЛАХ АРГАЧЛАЛ 16" СУРГАЛТ ХИЙВ

18.11.20

“Экспортыг дэмжих төсөл”-ийн хүрээнд хэрэгжиж буй санхүүгийн дэмжлэгийн үйл ажиллагааны хамгийн чухал баримт бичгийн нэг болох “Экспортын хөгжлийн төлөвлөгөө”-г боловсруулах аргачлалын сургалтыг 2018 оны 11 дугаар сарын 20-ны өдөр үнэ төлбөргүй зохион байгуулж экспортлогч болон экспортлогч болох сонирхолтой 20 орчим аж ахуйн нэгжийн төлөөлөл оролцлоо.

ГЕРМАНЫ ШТООЛ КОМПАНИАС СУРГАЛТЫН ГЭРЧИЛГЭЭ ГАРДУУЛЛАА

18.11.19

Герман улсын STOLL / ШТООЛ / компанийн компьютер удирдлагатай сүлжмэлийн машин ашиглаж сүлжмэл бүтээгдэхүүний үйлдвэрлэл эрхлэгч аж ахуйн нэгжүүдийн хүсэлтээр Экспортыг дэмжих төслөөс зохион байгуулсан 10 өдрийн сургалт амжилттай дууслаа.

МОНГОЛД АНХ УДАА ЗОХИОН БАЙГУУЛАГДАХ «WOMEN ENTREPRENEURSHIP DAY» АРГА ХЭМЖЭЭГ ДЭМЖИН ОРОЛЦОНО

18.11.17

WEDO сайн дурын хөдөлгөөний санаачилгаар Монгол улсад анх удаа 11 сарын 18-нд «Women Entrepreneurship Day» арга хэмжээг зохион байгуулах гэж байна. Энэхүү арга хэмжээг дэлхийн 145 оронд нэгэн зэрэг тэмдэглэдэг. 

СҮЛЖМЭЛИЙН ҮЙЛДВЭРҮҮД ГЕРМАНЫ STOLL КОМПАНИЙН СУРГАЛТАД ХАМРАГДАЖ БАЙНА

18.11.12

Монголын 30 гаруй үйлдвэр компьютерийн удирдлагатай сүлжмэлийн машин үйлдвэрлэлээрээ дэлхийд тэргүүлэгч Германы Stoll компанийн 250 гаруй сүлжмэлийн машин ашиглаж байна.
Бүх төрлийн сүлжээсийг хүссэн хээ загвараар сүлжих өргөн боломжтой Stoll машиныг үйлдвэрлэлдээ ашиглаж байгаа манай экспортлогч 13 компанийн хүсэлтийн дагуу Экспортыг дэмжих төслөөс “CMS-Handling and Technique” сэдэвт сургалтыг зохион байгуулж байна.

ЭКСПОРТЫГ ДЭМЖИХ ТӨСЛӨӨС ЗОХИОН БАЙГУУЛСАН “БИЗНЕСИЙН ЗӨВЛӨХ ҮЙЛЧИЛГЭЭ ҮЗҮҮЛЭГЧ ААН, ЗӨВЛӨХҮҮДИЙН УУЛЗАЛТ СЕМИНАР”-Т ОРОЛЦОЖ БИДЭНД МЭДЭЭЛЛЭЭ ӨГСӨН ЗӨВЛӨХҮҮДИЙН ТОВЧ ЖАГСААЛТ

18.11.12

Экспортыг дэмжих төслөөс 9 сарын 12-нд зохион байгуулсан “Бизнесийн зөвлөх үйлчилгээ үзүүлэгч ААН, зөвлөхүүдийн уулзалт семинар”-т ирж бидэнд мэдээллээ өгсөн зөвлөх үйлчилгээ үзүүлэгч ААН, хувь зөвлөхүүдийн товч жагсаалтыг төслийн вэбсайт-д нээлттэй байршууллаа.

ҮНДЭСНИЙ СУРГАГЧ БАГШ- МЭРГЭЖЛИЙН ХӨТӨЧ ТАЙЛБАРЛАГЧИД ОЛОН УЛСЫН ГЭРЧИЛГЭЭ ГАРДЛАА

18.11.02

Экспортыг дэмжих төсөл Монголын Мэргэжлийн Хөтөч Тайлбарлагчдын Холбоо (ММХТХ)-той хамтран Дэлхийн Хөтөч Тайлбарлагчдын Холбоодын Нийгэмлэгийн Олон улсын ахлах сургагч багш Айрис Бэрриг урьж Монгол улсад "World Federation of Tourist Guide Association"- ийн Монгол Улс дахь үндэсний сургагч багшийг бэлтгэх сургалтыг энэ оны 5 дугаар сард амжилттай зохион байгуулсан билээ.

Бусад мэдээ »