ЭКСПОРТЫГ ДЭМЖИХ ТӨСӨЛ
EXPORT DEVELOPMENT PROJECT
ЭКСПОРТЫН ХӨГЖЛИЙН ТӨЛӨВЛӨГӨӨ БОЛОВСРУУЛАХ ГАРЫН АВЛАГА ЦАХИМ САЙТАД БАЙРШУУЛАВ

18.01.08

Төслийн ажилтнууд Экспортын хөгжлийн төлөвлөгөөг боловсруулах гарын авлага боловсруулж www.edp.mn цахим хуудаст байршуулав. Энэхүү гарын авлага нь уул уурхайн бус салбарын жижиг дунд аж ахуйн нэгжийн “Экспортын хөгжлийн төлөвлөгөө” (ЭХТ) боловсруулахад дэмжлэг үзүүлэх зорилгоор “Экспортыг дэмжих төсөл”-өөс бэлдсэн анхны арга зүйн зөвлөмж бөгөөд үндсэн ойлголт, арга зүй, жишээ, шалгах хүснэгт гэсэн дараах бүтцээс бүрдэнэ.

Экспортын хөгжлийн төлөвлөгөө нь аж ахуйн нэгжийн бүтээгдэхүүн, үйлчилгээг гадаад зах зээлд нэвтрүүлэх стратегийг тодорхойлсон баримт бичиг бөгөөд (i) хэн, (ii) ямар бүтээгдэхүүн, үйлчилгээг, (iii) аль зах зээлд (iv) хэрхэн, (v) ямар ажлын дарааллаар, ямар төсөвтэй (vi) эдийн засаг, санхүүгийн тогтвортой байдлыг хэрхэн хангах тухай иж бүрэн зураглал, дүн шинжилгээ, шийдлийг агуулна.

Экспортын хөгжлийн төлөвлөгөө нь: 1) Аж ахуй нэгжийн танилцуулга 2) Зах зээлийн судалгаа 3) Экспортын бүтээгдэхүүн үйлчилгээ 4) Маркетингийн стратеги 5) ЭХТ-г хэрэгжүүлэх ажлын дараалал болон төсөв 6) Экспортын санхүүгийн тогтвортой байдал гэсэн үндсэн зургаан бүлгээс бүрдэж байна.

Сонирхож буй ААН болон иргэд дэлгэрэнгүй танилцана уу. Цаашид энэхүү гарын авлагыг төслийн оролцогч талуудын санал, зөвлөмжийн дагуу тогтмол сайжруулах болно.

ТӨСЛИЙГ ХЭРЭГЖҮҮЛЭХ НЭГЖ

МЭДЭЭ, МЭДЭЭЛЭЛ
"ЭКСПОРТЫН ХӨГЖЛИЙН ТӨЛӨВЛӨГӨӨГ БОЛОВСРУУЛАХ АРГАЧЛАЛ 15" сургалт хийв

18.10.12

“Экспортыг дэмжих төсөл”-ийн хүрээнд хэрэгжиж буй санхүүгийн дэмжлэгийн үйл ажиллагааны хамгийн чухал баримт бичгийн нэг болох “Экспортын хөгжлийн төлөвлөгөө”-г боловсруулах аргачлалын сургалтыг 2018 оны 10 дугаар сарын 12-ны өдөр үнэ төлбөргүй зохион байгуулж экспортлогч болон экспортлогч болох сонирхолтой 20 орчим аж ахуйн нэгжийн төлөөлөл оролцлоо.

ЯПОНЫ ШИМА СЕЙКИ КОМПАНИЙН ТУРШЛАГАТАЙ МЭРГЭЖИЛТНИЙ УДИРДСАН APEX 3-3 ДИЗАЙН СИСТЕМИЙН АХИСАН ТҮВШНИЙ СУРГАЛТ АМЖИЛТТАЙ ӨНДӨРЛӨЛӨӨ

18.10.10

Аж ахуйн нэгжүүдээс Экспортыг дэмжих төсөлд ирүүлсэн хүсэлтийн дагуу Японы Шима Сейки компанийн туршлагатай багш ноён Хирофуми Хонда Монгол улсад ирж APEX 3-3  дизайн системийн ахисан түвшний сургалтыг удирдлаа.

ДЭЛХИЙН БАНКНЫ АЖЛЫН ХЭСЭГ ДУНД ХУГАЦААНЫ ХЭРЭГЖИЛТЭД ҮНЭЛЭЛТ ӨГӨХ, ЦААШИД ХЭРЭГЖҮҮЛЭХ АЖЛУУДЫГ ХЭЛЭЛЦЭХ ЗОРИЛГООР МОНГОЛ УЛСАД АЖИЛЛАВ

18.10.09

Экспортыг дэмжих төслийн дунд хугацааны хэрэгжилтэд үнэлгээ өгөх,  шаардлагатай бол төслийн хэрэгжилтийн үйл ажиллагааны төлөвлөгөөнд зохих өөрчлөлт  оруулахыг Сангийн яамтай хэлэлцэх зорилгоор Дэлхийн банкны төслийн удирдагч хатагтай Үллэ Лохмусаар удирдуулсан ажлын хэсэг 2018 оны 9 дүгээр сарын 18-с 10 дугаар сарын 7-ны хооронд Монгол Улсад ажиллав.

“АЛБАН, БИЗНЕСИЙН АЯЛАЛ ЖУУЛЧЛАЛЫН ЗАХ ЗЭЭЛИЙГ ХӨГЖҮҮЛЭХ” ХЭЛЭЛЦҮҮЛГИЙГ ХАМТРАН ЗОХИОН БАЙГУУЛЛАА.

18.10.05

2018 оны 10 дугаар сарын 02-ны өдөр Үндэсний Аялал Жуулчлалын Байгууллага ТББ-тай хамтран “Албан, бизнесийн аялал жуулчлалын зах зээлийг хөгжүүлэх” хэлэлцүүлгийг зохион байгууллаа.

АЖ АХУЙН НЭГЖҮҮДЭД САНХҮҮГИЙН ДЭМЖЛЭГ ОЛГОХ ШИЙДВЭР ГАРГАЛАА

18.10.01

2018 оны 09 дугаар сарын 27-ны өдөр Үнэлгээний зөвлөлийн ээлжит хурал болж Экспортын төлөвлөгөө ирүүлсэн зургаан аж ахуйн нэгжийн төлөвлөгөө, давтан өргөдлөө ирүүлсэн найман аж ахуйн нэгжийн өргөдлүүдийг тус тус хэлэлцэж Сангийн яаманд танилцуулахаар боллоо.

МОНГОЛЫН НЭХМЭЛИЙН САЛБАРЫН АЖИЛТНУУДЫН ХҮНИЙ НӨӨЦИЙН ЧАДАВХЫГ БЭХЖҮҮЛЭХ СУРГАЛТ ЭХЭЛЛЭЭ

18.09.19

Нэмүү өртөг шингэсэн ноос, ноолуурын сүлжмэл бүтээгдэхүүн үйлдвэрлэгч, экспортлогч аж ахуйн нэгжүүдийн хүсэлтийн дагуу  Дэлхийн банкны Экспортыг дэмжих төслийн урилгаар Япон улсын Шима Сейки компанийн туршлагатай мэргэжилтэн-багш ноён Хонда Монгол улсад ажиллаж байна.

Бусад мэдээ »