ЭКСПОРТЫГ ДЭМЖИХ ТӨСӨЛ
EXPORT DEVELOPMENT PROJECT
МЭДЭЭ, МЭДЭЭЛЭЛ
“MONGOLIAN EXPORTERS-2018” ЦАХИМ КАТАЛОГИ ГАРГАЛАА

18.01.17

МҮХАҮТ-аас экспортлогчдыг шинэ зах зээлд нэвтрэх, бүтээгдэхүүнээ сурталчлах, зах зээлээ өргөжүүлэхэд нь дэмжлэг үзүүлэх, гадаад түнштэй холбох зорилгоор Монгол Улсын Засгийн газраас Дэлхийн Банктай хамтран хэрэгжүүлж байгаа Экспортыг дэмжих төсөлтэй хамтран "MONGOLIAN EXPORTERS - 2018" цахим каталогийг гаргалаа.
Энэхүү каталогт мэдээллээ оруулах сонирхолтой экспортлогчид болон экспорт хийхээр бэлтгэж буй аж ахуйн нэгж байгууллагууд  http://forms.mongolchamber.mn/view.php?id=26326  линкээр орж холбогдох мэдээллээ Монгол, Англи хэл дээр бэлтгэж ирүүлнэ үү.
Тус цахим каталогийг олон улсын бизнес уулзалт, үзэсгэлэн яармаг, олон улсын элчин сайдын яамд болон худалдааг дэмжих байгууллагууд, МҮХАҮТ-ын төлөөлөгчдөөр дамжуулан дэлхийн зах зээлд ТАНЫ БҮТЭЭГДЭХҮҮНИЙГ ҮНЭ ТӨЛБӨРГҮЙ СУРТАЛЧЛАХ боломж бүрдэж байна.

ЭКСПОРТЫН ХӨГЖЛИЙН ТӨЛӨВЛӨГӨӨ БОЛОВСРУУЛАХ ГАРЫН АВЛАГА ЦАХИМ САЙТАД БАЙРШУУЛАВ

18.01.08

Төслийн ажилтнууд Экспортын хөгжлийн төлөвлөгөөг боловсруулах гарын авлага боловсруулж www.edp.mn цахим хуудаст байршуулав. Энэхүү гарын авлага нь уул уурхайн бус салбарын жижиг дунд аж ахуйн нэгжийн “Экспортын хөгжлийн төлөвлөгөө” (ЭХТ) боловсруулахад дэмжлэг үзүүлэх зорилгоор “Экспортыг дэмжих төсөл”-өөс бэлдсэн анхны арга зүйн зөвлөмж бөгөөд үндсэн ойлголт, арга зүй, жишээ, шалгах хүснэгт гэсэн дараах бүтцээс бүрдэнэ.

САНГИЙН САЙД Ч.ХҮРЭЛБААТАР ТӨСЛИЙН АЖИЛТНУУДАД ШАГНАЛ ГАРДУУЛАВ

17.12.25

Сангийн яамны 2017 оны ажлын үр дүнгийн хурал болж Монгол Улсын санхүү, эдийн засгийн албыг бэхжүүлэх үйл хэрэгт олон жил үр бүтээлтэй ажиллаж байгаа яамны болон яамны харьяа байгууллагын ажилтнуудад Сангийн сайд Ч.Хүрэлбаатар шагнал гардуулав. Сангийн яамны Олон салбарыг хамарсан техник туслалцааны төсөл, Экспортыг дэмжих төсөл, Төсөв, санхүүгийн тогтвортой байдлыг бэхжүүлэх төслүүдийг амжилттай хэрэгжүүлэхэд идэвх зүтгэл гаргасан, Сангийн яам болон Төслийг хэрэгжүүлэх нэгжид олон жил үр бүтээлтэй ажиллаж байгааг үнэлэн Сангийн сайд Ч.Хүрэлбаатар төслийн Худалдан авалтын мэргэжилтэн М.Халиун, Хяналт, шинжилгээ-үнэлгээний мэргэжилтэн З.Цолмон нарыг “Санхүү-банкны тэргүүний ажилтан’ цол тэмдгээр, төслийн Санхүүгийн удирдлагын мэргэжилтэн Б.Ундармааг “Сангийн яамны Хүндэт жуух бичиг”-ээр тус тус шагнав.

УУЛ УУРХАЙН БУС САЛБАРЫН ЖИЖИГ, ДУНД АЖ АХУЙН НЭГЖҮҮДЭД ЗОРИУЛСАН ГАДААД ХУДАЛДААНЫ СУРГАЛТ

17.12.22


АЖ АХУЙН НЭГЖҮҮДЭД САНХҮҮГИЙН ДЭМЖЛЭГ ОЛГОХ ШИЙДВЭР ГАРГАЛАА

17.12.21

2017 оны 12 дугаар сарын 15-ны өдөр Үнэлгээний багийн ээлжит хурал болж Экспортын төлөвлөгөө ирүүлсэн долоон аж ахуйн нэгжийн төлөвлөгөөг хэлэлцэж Сангийн яаманд танилцуулахаар боллоо. Төслийн Санхүүгийн дэмжлэгийн баг аж ахуйн нэгжүүдээс ирүүлсэн экспортын хөгжлийн төлөвлөгөөнд дүн шинжилгээ хийж, сайжруулах арга зүйн зөвлөгөө өгч, экспортын хөгжлийн төлөвлөгөөг Үнэлгээний багт танилцуулснаар жижиг, дунд аж ахуйн нэгжүүдэд санхүүгийн дэмжлэг олгохоор болов. Санхүүгийн дэмжлэг хүртэгч эдгээр жижиг, дунд ААН-үүд нь ноос ноолууран бүтээгдэхүүн, гутал, хүнсний үйлдвэрлэл эрхэлдэг бөгөөд гэрээнд тусгагдсан бүтээгдэхүүн нэвтрүүлэлт, үйлдвэрлэлийн менежментийг сайжруулах, бүтээгдэхүүний туршилт, олон улсын гэрчилгээ авах зэрэг үйл ажиллагааг хэрэгжүүлэхэд тус санхүүгийн дэмжлэгийг зориулах юм. 2017 оны 12 сарын 15-ны байдлаар уул уурхайн бус салбарын 24 ААН-ийн 31 гаруй санхүүгийн дэмжлэг хүссэн өргөдлийг шийдвэрлэж 374,474 орчим ам.долларын санхүүгийн дэмжлэгийн гэрээ байгуулаад  байна.

"ЭКСПОРТЫН СТРАТЕГИ" СЭДВЭЭР 4 ЦАГИЙН СУРГАЛТ ЗОХИОН БАЙГУУЛАВ

17.12.19

Дэлхийн банкны Экспортыг дэмжих төслийн дэд бүрэлдэхүүн хэсэг 2.1-ийн хүрээнд уул уурхайн бус салбарын экспортлогч болон экспортлогч болохыг зорьж буй жижиг, дунд аж ахуйн нэгжүүдийн гадаад худалдааны анхан шатны мэдлэгийг бэхжүүлэх зорилгоор Хүний хөгжил, судалгаа, сургалтын төвтэй хамтран  "Экспортын стратеги" сэдвээр 4 цагийн сургалт зохион байгуулав. Сургалтад уул уурхайн бус салбарын жижиг, дунд аж ахуйн нэгжийн 20 гаруй төлөөлөл оролцлоо. Сургалтаар экспортын бизнес стратеги, маркетингийн судалгааны үндсэн ойлголтууд, Экспортын хөгжлийн төлөвлөгөөний агуулга, Монгол улсын татварын орчин болон бизнесийн англи хэл сэдвээр нийт 4 цагийн сургалт зохион байгууллаа. Сургалтад оролцогчид сургалтын сэдэв, агуулга нь тэдний хэрэгцээнд нийцсэн сургалт болсон гэж үнэлсэн байна.

"ЧӨЛӨӨТ БҮСИЙН ОЛОН УЛСЫН ТУРШЛАГА" СЭДЭВТ СУРГАЛТ-СЕМИНАР ЗОХИОН БАЙГУУЛАВ

17.12.11

Дэлхийн банкны Экспортыг дэмжих төслөөс МҮХАҮТ-ын Чөлөөт бүсийн зөвлөлтэй хамтран “Чөлөөт бүсийн олон улсын туршлага” сэдэвт сургалт-семинарыг 2017 оны 12 дугаар сарын 4-ний өдөр  зохион байгуулав.
Уг сургалтаар ОХУ, Казахстан, Япон улсын чөлөөт бүс, БНХАУ-ын Эрээн хотын хилийн худалдааны чөлөөт бүс,  БНСУ-ын худалдааны чөлөөт бүс ба эдийн засгийн чөлөөт бүсийн туршлагаас хуваалцлаа.
Түүнчлэн “Боомт, чөлөөт бүсүүдийн хот байгуулалтын тухай”  Монгол Улсын зөвлөх Архитектор, Алтанбулаг чөлөөт бүсийн ерөнхий төлөвлөгөөний зохиогч Д.Мижидсүрэн гуай сонирхолтой илтгэл тавилаа.
Сургалт-семинарт Алтанбулаг, Цагааннуур чөлөөт бүсийн захирагчийн алба, Эрээн хотын худалдаа, дэмжих хороо, МҮХАҮТ-ын KOЙКА, ЖАЙКА-гийн зөвлөх мэргэжилтнүүд илтгэл тавьж хэлэлцүүлэг хийлээ.
Сургалт-семинарт чөлөөт бүсэд үйл ажиллагаа эрхлэгч аж ахуйн нэгжүүд   болон энэ сэдвээр сонирхогч байгууллага, иргэдийн 80 гаруй төлөөлөл оролцлоо.
Сургалтын үеэр Экспортыг дэмжих төслийн Санхүүгийн дэмжлэгийн талаар төслийн Бизнес хөгжлийн шинжээч Б.Нямсүрэн танилцуулга хийлээ.

"ДЭВШИЛТЭТ ТЕХНОЛОГИ-ТОГТВОРТОЙ ҮЙЛДВЭРЛЭЛИЙГ БИЙ БОЛГОХ НЬ" СЭДЭВТ СУРГАЛТ ЗОХИОН БАЙГУУЛАВ

17.12.11

Дэлхийн банкны Экспортыг дэмжих төслөөс Монголын Ноос Ноолуурын Холбоо, Канадын Юнитерра хөтөлбөртэй хамтран "Дэвшилтэт технологи - Тогтвортой үйлдвэрлэлийг бий болгох нь" сургалтыг 2017 оны 12 дугаар сарын 4-ний өдөр зохион байгуулав.
Сургалтад ноос, ноолууран бүтээгдэхүүн үйлдвэрлэгч 40 гаруй үйлдвэрийн инженер, техникийн ажилтнууд, компанийн төлөөлөл оролцлоо.
Сургалтын үеэр МННХ-ны Дэд тэргүүн Г.Ёндонсамбуу “Ширхэгийн нэхмэл бүтээгдэхүүний хэрэглээний шинж чанарын стандарт” сэдэвт илтгэл, ШХА-ын БАХ-ын мэргэжилтэн, докторантур В.Болормаа “Угаах технологийг боловсронгуй болгох зарим шийдэл” сэдвээр тус тус илтгэл тавьж хэлэлцүүлэг хийлээ.
Түүнчлэн Канадын Юнитерра хөтөлбөрийн  мэргэжилтнүүд харилцааны стратеги, байгууллагын эрсдлийн менежмент сэдвээр илтгэл тавьсан бөгөөд уг сургалтыг үр дүнтэй сургалт боллоо гэж оролцогчид дүгнэсэн байна.


ХҮСЭЛТ ШАЛГАХ

Тайлбар: Санхүүгийн дэмжлэгийн багийн танд өгсөн тусгай кодыг дээрх цонхонд оруулна уу.

ТАНИЛЦУУЛГА